Peterborough, Mbretëri e Bashkuar – Tilly Hayward, një 17-vjeçare britanike e diagnostikuar me sëmundjen e rrallë të Stargardtit, ka nisur një iniciativë të veçantë për të përmbushur ëndrrën e saj për të eksploruar botën përpara se të humbasë plotësisht shikimin.

Tilly, e cila u diagnostikua në moshën 9-vjeçare, vuan nga një gjendje progresive që dëmton shikimin qendror dhe, ndryshe nga shumica e rasteve, ka filluar të ndikojë edhe në shikimin e saj periferik. Përballë kësaj sfide, ajo ka hapur një GoFundMe për të mbledhur fonde dhe për të vizituar vendet e saj të ëndrrave, si Disney World dhe plazhet e Dubait.

“Kur m’u tha se do të verbohesha, u motivova të shihja sa më shumë të mundja nga bota,” shprehet adoleshentja, e cila ndonëse është përballur me depresion dhe anoreksi, sot ka pranuar gjendjen e saj dhe dëshiron të frymëzojë të tjerët të jetojnë pa frikë.

Pavarësisht sfidave me shikimin, ajo vazhdon studimet për A-Levels online dhe ka mësuar alfabetin Braille. Deri tani, fushata e saj në GoFundMe ka mbledhur 1490 sterlina nga objektivi prej 2000 sterlinash, duke marrë mbështetje nga njerëz të shumtë që janë prekur nga historia e saj.

Tilly vazhdon të ndan rrugëtimin e saj me botën, duke treguar se pavarësisht sfidave, jeta mund të jetohet me pasion dhe vendosmëri.