Bashkëkryetari i koalicionit “Nisma-Shqipëria bëhet”, Adriatik Lapaj, ka shpërndarë një mesazh në rrjetet sociale ku shpreh se vendimi i koalicionit për të garuar me lista të hapura ka shpërthyer zemërimin e pengmarrësve të Tiranës. Lapaj, që garon i 18-ti në Tiranë, thekson se ka zgjedhur të jetë pjesë e një liste të hapur, duke shtuar se kryetarët e tjerë kanë zgjedhur të kandidojnë në lista të sigurta.

Në një tjetër postim, Lapaj i është përgjigjur kryeministrit Edi Rama, i cili e akuzoi se kishte futur babain e tij në listat e kandidatëve të koalicionit. Lapaj e ka mohuar këtë akuzë dhe ka deklaruar se nuk do t’i kthejë përgjigje Ramës, pasi është i zënë me takime. Megjithatë, ai e ka ftuar kryeministrin për debat, duke theksuar se është i gatshëm të diskutojë me të kur dhe ku të dojë.

“Zoti Rama do muhabet, por jam i zënë me takime. Të pres në debat! Të pres kur të duash e ku të duash!” ka përfunduar mesazhin Lapaj.