Pas vendimit të Gjykatës Kushtetuese që la në fuqi pezullimin nga detyra të zv/kryeministres dhe ministres së Infrastrukturës Belinda Balluku, ka reaguar edhe Adritik Lapaj.

Në një postim në Facebook, Lapaj thekson se veprimet e qeverisë dhe të kryeministrit kanë penguar drejtësinë dhe qeveria ka humbur çdo legjitimitet moral:

“U provua nga Gjykata Kushtetuese se Këshilli i Ministrave dhe Edi Rama penguan drejtësinë me veprimet e tyre. Drejtësia tashmë duhet të shkojë te Edi Rama! Qeveria nuk ka më legjitimitet moral pasi u kthye në zyrë avokatie për Zv. Kryeministren!”

Reagimi i Lapajt e vendos fokusin tek përgjegjësia e Ramës, duke paralajmëruar se drejtësia duhet të vazhdojë ndaj kryeministrit.