Marrëdhënia mes modeles së njohur Adrola Dushi dhe reperit Capital T duket se është konsoliduar, ndërsa çifti po shijon disa ditë relaksi në një rezidencë private buzë detit.

Një foto e siguruar nga një darkë intime tregon dyshen të shoqëruar nga nëna e artistit dhe djali i Adrolës, Troi. Nga pamjet duket qartë afërsia dhe raporti i ngrohtë që Capital ka krijuar me Troin, duke ndërtuar një lidhje të shëndetshme e të natyrshme me të.

Megjithëse thashethemet për romancën e tyre qarkullojnë prej kohësh, as Adrola dhe as Capital nuk e kanë konfirmuar publikisht lidhjen. Sidoqoftë, modelja është parë shpesh pranë reperit në koncertet e tij, duke e mbështetur hapur nga skena dhe prapaskenat.