Modelja e njohur shqiptare Adrola Dushi ka ngjallur sërish spekulime për një romancë të mundshme me këngëtarin e njohur Capital T, pas publikimit të një fotoje të fundit me të. Fotografia, e shkrepur gjatë koncertit të fundit të Capital T në Tiranë, është shoqëruar me mbishkrimin: “Time Capsule, nuk zhgënjen asnjëherë”, duke shtuar më tej spekulimet për një lidhje midis tyre.

Prej shumë kohësh, mediat rozë kanë përfolur për një romancë të mundshme mes Adrola Dushit dhe Capital T, por asnjëri prej tyre nuk ka bërë një konfirmim zyrtar. Megjithatë, dyshja ka shkëmbyer disa komplimente publikisht në intervista televizive. Capital T e ka cilësuar Adrolën si një nga femrat më të bukura shqiptare, ndërsa Adrola ka deklaruar se është e dashuruar me mashkullin më të bukur shqiptar.

Pavarësisht kësaj, mbetet për t’u parë nëse këto shenja të nënkuptuara do të çojnë në një konfirmim të plotë të lidhjes së tyre në të ardhmen.