Kryetari i Bashkisë Mat, Agron Malaj, ka paraqitur dorëheqjen nga posti i tij për t’u bërë pjesë e garës për zgjedhjet parlamentare të 11 majit. Malaj ka njoftuar zyrtarisht Këshillin Bashkiak, i cili ka vendosur të mbajë një mbledhje jashtë radhe ditën e mërkurë për të zgjedhur një nga zv/kryetarët që do të drejtojë Bashkinë deri në zgjedhjet e reja vendore.

Nga ana tjetër, Partia Socialiste pritet të zyrtarizojë kandidatët e saj për zgjedhjet e 11 majit ditën e mërkurë. Për Qarkun Dibër, deri më tani përfliten disa emra si:
• Blendi Klosi
• Alma Selami (Kryetarja e Këshillit të Qarkut)
• Agron Malaj (ish-Kryetari i Bashkisë Mat)
• Danjel Gjura (Drejtori i Agjencisë së Kadastrës Dibër)
• Murat Dani
• Ruzhdi Deda (Drejtori i Spitalit Rajonal Dibër)

Me këtë lëvizje, PS synon të forcojë pozitat e saj në Qarkun Dibër, ndërsa pritet të shihet se cilët emra do të përfshihen në listat zyrtare të kandidatëve.