Mbrëmjen e së martës, Salvatore Coppola, një 66-vjeçar që ishte larguar nga radhët e mafias italiane “Camorra” dhe kishte bërë bashkëpunëtor me drejtësinë, u ekzekutua në një parking makinash në zonën San Giovanni, Teduccio. Ndonëse ishte nën mbrojtje policie, autorët i bënë një pritë dhe e qëlluan me armë.

Mediat raportojnë se vrasja ka ndodhur si shenjë hakmarrje nga “Camorra” për shkak të largimit të tij nga grupi mafioz dhe për denoncimin e aktiviteteve të paligjshme. Coppola, një inxhinier i njohur, kishte rrëfyer detaje të lidhura me pastrimin e parave dhe aktivitetet kriminale të mafias në zonën lindore të Napolit.

Ai kishte ndihmuar autoritetet duke zbuluar praktikat e korrupsionit dhe lidhjet e mafias me politikën, duke i dhënë një kontribut të rëndësishëm në luftën kundër krimit të organizuar. Camorra njihet si një nga organizatat më të vjetra kriminale në Itali, dhe ka bazë në rajonin Campania, përfshirë qytetin e Napolit.