Një aksident i rëndë me pasojë vdekjen është regjistruar në Tiranë, në zonën e rrugës së Prushit, ku një automjet është përplasur me një motomjet.

Sipas informacionit paraprak të Policisë, automjeti me drejtues shtetasin F. Gj., rreth 23 vjeç, është përplasur me motomjetin që drejtohej nga shtetasi B. T., rreth 40 vjeç. Për shkak të përplasjes së fortë, drejtuesi i motomjetit ka ndërruar jetë në vendngjarje.

Në motomjet ndodhej edhe një pasagjere, shtetasja A. Gj., rreth 22 vjeçe, e cila ka pësuar dëmtime dhe është transportuar në spital, ku ndodhet nën kujdesin e mjekëve.

Pas ngjarjes, drejtuesi i automjetit është shoqëruar në Komisariat për veprime të mëtejshme proceduriale, ndërsa grupi hetimor vijon punën për zbardhjen e plotë të rrethanave dhe shkaqeve të aksidentit.