Një aksident rrugor i përmasave të mëdha është shënuar pasditen e sotme në zonën e Shkozetit në Durrës, ku katër automjete janë përplasur mes tyre në rrethana ende të paqarta.

Sipas informacioneve paraprake, shoferët e përfshirë në aksident dyshohet se janë konfliktuar verbal dhe fizikisht pas përplasjes. Fatmirësisht, nuk raportohet për persona të lënduar, ndërsa dëmet materiale janë të konsiderueshme.

Policia ka mbërritur menjëherë në vendin e ngjarjes dhe ka nisur hetimet për zbardhjen e shkaqeve që çuan në aksident. Pritet që pamjet e kamerave të sigurisë në zonë të ndihmojnë në sqarimin e plotë të dinamikës.

Trafiku në zonë është bllokuar për disa minuta, ndërsa automjetet janë larguar më pas nga rruga për të rivendosur qarkullimin normal.