Një aksident i rëndë ka ndodhur mëngjesin e sotëm në autostradën A1, në provincën Frosinone të Italisë, ku një autobus që transportonte 30 fëmijë ka përplasur një kamion. Sipas raporteve nga mediat italiane, pjesa e përparme e autobusit ka pësuar dëme të mëdha dhe një person ka pësuar lëndime të rënda.
Për fat të mirë, fëmijët nuk kanë pësuar dëmtime të rënda, por kanë marrë lëndime të lehta. Menjëherë pas aksidentit, në vendngjarje kanë mbërritur shërbimet emergjente, përfshirë ambulancat e 118, policinë, zjarrfikësit dhe një helikopter.
Dinamika e aksidentit është ende e paqartë, dhe hetimet janë në vazhdim për të sqaruar shkaqet e incidentit.
