Lushnjë, 19 Janar 2025 – Një aksident i rëndë rrugor ka ndodhur pak pas mesnatës në aksin nacional Lushnjë-Berat, pranë kryqëzimit të fshatit Qerret.

Një automjet tip “Golf 7” ka dalë nga rruga dhe është përplasur me barrierat anësore, të cilat kanë depërtuar në brendësi të mjetit, duke shkaktuar dëme të konsiderueshme.

Drejtuesi i automjetit ka mbetur i plagosur dhe është transportuar menjëherë drejt Spitalit të Lushnjës për të marrë ndihmën e parë mjekësore.

Grupi hetimor ndodhet në vendngjarje për të përcaktuar shkaqet e aksidentit, ndërkohë që dyshohet se shpejtësia e lartë dhe kushtet atmosferike mund të kenë ndikuar në humbjen e kontrollit të mjetit.

Autoritetet u bëjnë thirrje drejtuesve të automjeteve të tregojnë kujdes të shtuar gjatë lëvizjes në këtë segment rrugor.