Një aksident i rëndë rrugor ka ndodhur pak minuta më parë në lagjen “Konferenca e Pezës” në Fier, ku katër automjete janë përplasur me njëra-tjetrën.
Si pasojë e përplasjes së fortë, dy shtetas kanë mbetur të lënduar dhe janë dërguar me urgjencë në Spitalin Rajonal të Fierit, ku aktualisht po marrin ndihmën e nevojshme mjekësore. Ende nuk dihet gjendja e tyre shëndetësore.
Në vendngjarje ndodhen forcat e policisë rrugore dhe grupi hetimor, të cilët po punojnë për zbardhjen e plotë të rrethanave dhe shkaqeve të aksidentit.
Paraprakisht dyshohet se aksidenti mund të ketë ardhur si pasojë e mosrespektimit të distancës, por hetimet janë ende në vijim. Autoritetet i bëjnë thirrje drejtuesve të mjeteve që të tregojnë kujdes maksimal në qarkullim, veçanërisht në zonat urbane ku trafiku është më i dendur.
