Aksident i rëndë në Greqi/ Vdes në aksident çifti i prindërve dhe vajza. Shpëton djali 17-vjeçar

November 15, 2021

192

Tragjedi për një familje shqiptare në Greqi. Një aksident i rëndë automobilistik i ka marrë jetën burrit, gruas dhe vajzës së tyre, ndërsa i vetmi i mbijetuar është djali 17-vjeçar i familjes.

Ngjarja ndodhi në qytetin e Domokous.

Mësohet se makina ku udhëtonte familja shqiptare është përplasur kokë më kokë me një kamion me çisternë. Mediat greke raportojnë se për pasojë nga përplasja fatale kanë ndërruar jetë babai 43-vjeçar, gruaja e tij 42 vjeçe dhe vajza e tyre. I vetmi i mbijetuar, është djali 17-vjeçar, i cili ka mbetur i plagosur.

Djali i tyre 17-vjeçar, u shtrua në Spitalin e Lamias, me plagë të rënda poër fatmirësisht tani ndodhet jashtë rrezikut për jetën.