Paraditen e kësaj të martë, në afërsi të fshatit Dvoran në Korçë, është regjistruar një aksident i rëndë. Dy automjete janë përplasur mes tyre, ndërsa njëra prej tyre ka përfunduar përmbys. Si rezultat i aksidentit, drejtuesi i automjetit që ka përfunduar përmbys ka mbetur i bllokuar në mjet.

Në vendngjarje kanë mbërritur menjëherë forcat e Policisë, ambulanca dhe zjarrfikësja, të cilët janë angazhuar për të nxjerrë personin e bllokuar nga automjeti dhe për të ofruar ndihmën e nevojshme. Grupi hetimor është në vendngjarje dhe po punon për të sqaruar shkaqet e aksidentit dhe për të verifikuar rrethanat e plota të ngjarjes.