Një aksident i rëndë ka ndodhur të martën pasdite në aksin rrugor “Korçë-Pogradec”, pranë fshatit Sovjan në Maliq, ku një automjet ka përplasur një biçiklist 65-vjeçar.
Sipas njoftimit të policisë, rreth orës 17:20, automjeti tip “Volkswagen” me drejtues B.M. ka përplasur shtetasin I.S., i cili po lëvizte me biçikletë në rrugë. I dëmtuari është transportuar menjëherë në spitalin e Korçës, ku ndodhet në gjendje të rëndë shëndetësore.
Policia po kryen veprimet procedurale ndaj drejtuesit të automjetit, ndërsa grupi hetimor po punon për të përcaktuar shkaqet e aksidentit. Autoritetet apelojnë për kujdes në rrugë dhe respektim të rregullave të qarkullimit për parandalimin e ngjarjeve të tilla tragjike.
