Një aksident i rëndë rrugor është regjistruar pasditen e së martës në aksin Shupenzë–Maqellarë, ku tre automjete u përplasën me njëra-tjetrën. Si pasojë, dy persona kanë mbetur të plagosur rëndë dhe janë nisur drejt spitalit të Bulqizës për ndihmë mjekësore.

Sipas burimeve, në aksident janë përfshirë një automjet me targa bullgare, një mjet tip “Audi” dhe një automjet tjetër. Paraprakisht dyshohet se shkak i përplasjes mund të ketë qenë shpejtësia tej normave të lejuara.

Në vendngjarje ka mbërritur policia, e cila po kryen veprimet hetimore për të sqaruar rrethanat dhe shkaqet e aksidentit. Autoritetet apelojnë për kujdes maksimal gjatë lëvizjes në rrugë, veçanërisht në segmente me ngushtim dhe kthesa të rrezikshme.