Një aksident i rëndë është regjistruar mbrëmjen e sotme në fshatin Kullë, Sukth, ku një automjet i drejtuar nga një shtetas 48-vjeçar ka përplasur një motomjet të drejtuar nga një 21-vjeçar. Si pasojë e këtij aksidenti, 21-vjeçari ka përfunduar në Spitalin e Traumës, ndërsa drejtuesi i automjetit është shoqëruar në komisariat.

Rreth orës 20:25, në fshatin Kullë, Sukth, automjeti me drejtues shtetasin B. H., 48 vjeç, është përplasur me motomjetin që drejtohej nga shtetasi M. H., 21 vjeç. I riu është transportuar për ndihmë mjekësore në Spitalin e Traumës në Tiranë.

Drejtuesi i automjetit, shtetasi B. H., është shoqëruar në Komisariat për veprime të mëtejshme. Grupi hetimor ndodhet në vendngjarje dhe po punon për sqarimin e rrethanave dhe shkakut të aksidentit.