Një aksident i rëndë ka ndodhur mëngjesin e kësaj të shtune në fshatin Lepenicë të Vlorës, ku një grua e moshës 35 vjeçe ka humbur kontrollin mbi drejtimin e automjetit dhe ka përfunduar në lumë.

Shtetasja A. A., duke drejtuar automjetin tip “Renault”, ka humbur kontrollin mbi drejtimin e makinës dhe ka dalë nga rruga, duke rënë në lumë. Si pasojë e aksidentit, drejtuesja e mjetit dhe dy fëmijët që ndodheshin me të janë plagosur.

Të tre personat janë transportuar menjëherë në spital dhe ndodhen nën kujdesin e mjekëve. Aktualisht, nuk raportohet për rrezik për jetën e tyre.

Grupi hetimor ka shkuar në vendngjarje dhe po punon për të zbardhur plotësisht shkaqet e aksidentit.

Policia ka nisur hetimet për të sqaruar arsyet e humbjes së kontrollit mbi automjetin.