Një aksident ka ndodhur në Himarë gjatë një tubimi elektoral, ku parashutisti Xhonatan Islami, i cili po valëviste banderolën e kandidatit socialist për qarkun Vlorë, Vullnet Sinaj, ka pësuar një aksident.

Sipas raportimeve, Islami ka bërë një ulje të gabuar, duke u përplasur fillimisht në një shtyllë dhe më pas në tokë. Fotot e momentit të aksidentit tregojnë se i është dhënë ndihma e parë nga të pranishmit.

Mësohet se Xhonatan Islami ka pësuar dëmtime në këmbë, ndërkohë që është transportuar për trajtim mjekësor. Ndërkohë, autoritetet po punojnë për të zbardhur shkaqet e aksidentit.