Një aksident mes dy automjeteve me targa të Kosovës ka ndodhur në autostradën Fushë Krujë-Milot. Ngjarja ka ndodhur në orët e para të mëngjesit të sotëm në aksin rrugor Tapizë-Derven.

Si pasojë e një aksidentit kanë mbetur të plagosura tre vajza nga Kosova.

Mjetet ishin dy ‘Benza’ dhe një prej tyre me shpejtësi të madhe bëri një parakalim të gabuar.

Tre të plagosurat  u dërguan në spitalin e Traumës në Tiranë. Ndërsa policia po punon për zbardhjen e plotë të rrethanave të aksidentit.

Krujë/Informacion paraprak

Më datë 11.08.2021, rreth orës 07:00, në aksin rrugor Tapizë-Derven, janë përplasur 2 automjete me drejtues shtetasit A. Sh., dhe F. K. Si pasojë e përplasjes janë lënduar pasagjerët në mjet, shtetaset A. R., 20 vjeçe, Xh. Sh., 30 vjeçe dhe M. M., 23 vjeçe, banuese në Kosovë, të cilat ndodhen nën kujdesin e mjekëve.
Grupi hetimor ndodhet në vendngjarje dhe po punon për zbardhjen e rrethanave të aksidentit.