Një aksident rrugor është regjistruar pak minuta më parë në aksin Fier-Levan, ku një furgon pasagjerësh është përmbysur në rrugë. Sipas burimeve nga policia, në momentin e aksidentit në automjet ndodhej vetëm drejtuesi i mjetit.
Dyshohet se shoferi ka humbur kontrollin për shkak të lagështirës në rrugë, duke çuar në përmbysjen e furgonit. Ai është transportuar me urgjencë në Spitalin Rajonal të Fierit për të marrë ndihmën e nevojshme mjekësore, ndërkohë që gjendja e tij shëndetësore ende nuk është bërë publike.
