Një aksident ka ndodhur mbrëmjen e sotme në aksin nacional Korçë-Pogradec, në afërsi të fshatit Podgorie, sipas informacionit të gazetarit Armand Braho.

Në aksident janë përfshirë dy mjete që janë përplasur me njëra-tjetrën, dhe si pasojë, njëra nga to ka përfunduar në kanal. Raportohet se një nga drejtuesit e mjeteve është larguar nga vendi i ngjarjes. Policia është angazhuar për të zbardhur rrethanat e aksidentit dhe për të identifikuar dhe kapur drejtuesin që ka ikur.

Fatmirësisht, aksidenti nuk ka shkaktuar të lënduar, përveç dëmeve materiale në mjetet e përfshira.