Një aksident ka ndodhur mëngjesin e kësaj të diele në aksin Levan-Tepelenë. Ngjarja ndodhi rreth orës 07:15 në fshatin Buzmadh.

Drejtuesi i një automjeti ka humbur kontrollin e për pasojë makina ka dalë nga rruga duke përfunduar në kanal. Nuk raportohet për viktima, por vetëm për të plagosur.

Policia bën me dije se shtetasi Maks Hebeja, 46 vjeç, banues në Patos, udhëtonte me një familje emigrantësh që vinin nga Greqia për të kaluar pushimet në Patos.

Duke drejtuar automjetin tip “Honday” ka dalë nga rruga dhe për pasojë është dëmtuar drejtuesi i mjetit, i cili ndodhet në spitalin e Fierit nën kujdesin e mjekëve, ndërkohë që gruaja dhe dy fëmijët fatmirësisht nuk patën dëmtime.

Paraprakisht dyshohet se shkak i aksidentit është bërë fakti që drejtuesi i mjetit “Honday” ka qenë i përgjumur në timon.