Një aksident rrugor është regjistruar paraditen e sotme në aksin nacional Pogradec-Qafë Thanë, pranë fshatit Lin.

Sipas informacioneve paraprake, dy mjete janë përplasur me njëra-tjetrën, duke shkaktuar dëmtime të lehta për njërin nga drejtuesit e automjeteve. I dëmtuari është transportuar menjëherë drejt spitalit për ndihmë mjekësore dhe fatmirësisht ndodhet jashtë rrezikut për jetën.

Policia ka mbërritur në vendngjarje dhe po punon për zbardhjen e plotë të rrethanave të aksidentit, si dhe për përcaktimin e shkaqeve që çuan në përplasjen mes mjeteve.