Një aksident ka ndodhur paraditen e sotme në autostradën Durrës-Tiranë, ku një grua rreth të 30-ave ka pësuar dëmtime të rënda si pasojë e goditjes nga një automjet tip “Volkswagen Golf”. SiNgjarja ka ndodhur kur pasqyrja e automjetit ka goditur gruan, duke e rrëzuar dhe i ka shkaktuar dëmtime të rënda në të dyja këmbët.

Gruaja ishte duke kaluar autostradën në mënyrë të paligjshme, nga njëra anë në tjetrën, kur është goditur nga automjeti. Pas aksidentit, drejtuesi i automjetit ka ndërmarrë veprimet e duhura dhe ka transportuar menjëherë gruan në spitalin rajonal të Durrësit. Për shkak të gjendjes së saj të rënduar, ajo është dërguar më pas në Spitalin e Traumës në Tiranë për trajtim të specializuar.

Policia ka ndaluar drejtuesin e automjetit dhe ka nisur hetimet për të zbardhur rrethanat e aksidentit.