Një aksident ka ndodhur në autostradën “Elbasan-Tiranë”, ku 24-vjeçari me inicialet A.H pasi ka humbur kontrollin e mjetit është përplasur me mbrojtësen metalike, në anë të autostradës.

Ai është dërguar në spital për të marrë ndihmën mjekësore.

Njoftimi i Policisë: Elbasan/Informacion paraprak

Rreth orës 10:30, në autostradën “Elbasan-Tiranë”, shtetasi A. H., 24 vjeç, ka humbur kontrollin mbi drejtimin e automjetit dhe si pasojë, automjeti është përplasur me mbrojtësen metalike, në anë të autostradës. Nga përplasja, është dëmtuar 24-vjeçari, i cili po merr ndihmë mjekësore, në spitalin e Elbasanit.

Grupi hetimor po punon për zbardhjen e plotë të rrethanave të këtij aksidenti.