Një aksident ka ndodhur sot në autostradën Lushnjë-Fier, në afërsi të fshatit Gorre, ku janë përplasur tre makina: një “Benz”, një “Peugeot” dhe një mjet tip “Volkswagen”. Sipas policisë, aksidenti ka ndodhur si pasojë e mosrespektimit të largësisë së sigurisë dhe manovrës së gabuar gjatë parakalimit.

Fatmirësisht, aksidenti ka shkaktuar vetëm dëme materiale dhe asnjë nga drejtuesit ose udhëtarët nuk ka pësuar lëndime serioze. Policia ka mbërritur menjëherë në vendngjarje, ka kryer procedurat e nevojshme dhe ka larguar mjetet nga vendi i aksidentit.