Dy persona kanë mbetur të plagosur rëndë pas një aksidenti të ndodhur në aksin rrugor Bulqizë-Gurët e Skënderbeut në vendin e quajtur Vajkal.

Sipas policisë së Bulqizës, ngjarja ka ndodhur rreth orës 20:00 të mbrëmjes, ku makina tip Benz ka dalë nga rruga duke përfunduar në livadh.

Drejtuesit e tjerë, të cilët lëviznin në këtë aks rrugor kanë njoftuar policinë dhe pambulancën.

Dy personat që udhëtonin në automjet janë dërguar me urgjencë në spital pasi kanë marrë plagë të rënda.