Një aksident ka ndodhur në aksin Fier – Levan, në vendin e quajtur “Kthesa e liqenit”, ku një automjet tip “Volkswagen” ka humbur kontrollin duke dalë nga rruga dhe përfunduar në kanal. Menjëherë pas ngjarjes, në vendngjarje ka mbërritur një patrullë policie së bashku me autoambulancën.

Drejtuesi i mjetit është shoqëruar në spitalin rajonal të Fierit për t’u marrë nën kujdesin mjekësor. Sipas informacioneve të para, ai ka marrë dëmtime të lehta dhe ndodhet jashtë rrezikut për jetën. Policia po punon për të zbardhur shkaqet e këtij aksidenti, duke kryer hetime për të sqaruar rrethanat që çuan në humbjen e kontrollit të automjetit.