Një aksident me pasojë vdekjen e një gruaje ka ndodhur mesditën e të shtunës në Fushë Krujë.
Ngjarja është shënuar në fshatin Larushk, ku një makinë ka përplasur 55-vjeçaren L.R., e cila për pasojë ka humbur jetën.
Drejtuesi i mjetit, shtetasi M. Xh., është shoqëruar në Komisariat, për veprime të mëtejshme procedurale.
Njoftimi nga Policia/ Krujë
Rreth orës 12:00, në fshatin Larushk, Fushë Krujë, automjeti me drejtues shtetasin M. Xh., 55 vjeç, ka aksidentuar shtetasen L. R., rreth 55 vjeçe, e cila për pasojë ka humbur jetën.
Drejtuesi i mjetit, shtetasi M. Xh., është shoqëruar në Komisariat, për veprime të mëtejshme procedurale.
Grupi hetimor ndodhet në vendngjarje dhe po punon për sqarimin e rrethanave të aksidentit.
