Mediat greke bëjnë të ditur se alarmi në qarkullim është ngritur herët në mëngjesin e së martës në Greqi pasi në Autostradën Kombëtare , konkretisht në lartësinë e Avlonës dhe rrugës për në Athinë , ka ndodhur një aksident automobilistik ku sipas informacioneve të fundit, nëntë makina dhe katër kamionë ishin të përfshirë. Nga ngjarja kanë mbetur të plagosur lehtë dy persona. Në zonë , dukshmëria është e kufizuar për shkak të mjegullës , e cila vështirëson shikimin e drejtuesve të automjeteve, duke sjellë përplasjen. Video nga vendi i përplasjes tregon se janë përfshirë edhe kamionë, ndërsa disa nga makinat janë dëmtuar rëndë.

Qarkullimi kryhet nga rruga anësore me vështirësi. Sipas informacioneve të fundit, së shpejti pritet të hapet për qarkullim korsia e majtë.

Pamje nga zona pak minuta para orës 11:00 – Rritje e trafikut në përroin drejt Athinës

Sipas policisë Greke aksidenti ka ndodhur rreth orës 9 (me orën lokale të Greqisë).