Një aksident ka ndodhur sot në zonën e Lungomares në Vlorë. Sipas informacioneve paraprake, një automjet ka aksidentuar dy fëmijë të mitur, të cilët po kalonin rrugën me shpejtësi. Aksidenti ka ndodhur në lagjen “Uji i Ftohtë”, ku shtetasi P. S., 75 vjeç, banues në Maqedoni, duke drejtuar automjetin tip “Alfa Romeo”, ka goditur fëmijët, të moshës 8 dhe 12 vjeç.

Të dy fëmijët janë dërguar në spital ku po marrin ndihmën mjekësore dhe ndodhen jashtë rrezikut për jetën. Drejtuesi i automjetit është shoqëruar në komisariat për veprime të mëtejshme.

Në vendngjarje ndodhet grupi hetimor, i cili po kryen veprimet e nevojshme për të sqaruar rrethanat e aksidentit.