Një aksident i rëndë ka ndodhur në rrugën e Arbrit, ku një mjet është përmbysur mbi urën që ka një lartësi prej 158 metrash mbi nivelin e detit. Ngjarja është regjistruar në dalje të tunelit numër 3 të rrugës së Arbrit në fshatin Shkallë të Xibrit.
Mjeti është përballur me një aksident të rëndë, duke përmbysur mbi “Urën e Fshatit” me lartësi të jashtëzakonshme, 158 metra. Në mjet ndodheshin dy të rinj, një burrë dhe një grua, e cila është transportuar menjëherë për ndihmë mjekësore në spital për trajtim të plagëve të fituara në aksident.
Policia është reaguar menjëherë dhe ka filluar hetimet për të zbardhur shkaqet dhe rrethanat e aksidentit. Paraprakisht, dyshohet se shkaku i mundshëm i aksidentit ka qenë një zhavor që ka përfshirë rrugën dhe tunelin e rrugës së Arbrit, pasojë e ujërave të shiut që kanë krijuar situata të rrezikshme në zonën e ngjarjes.