Një aksident i rëndë është regjistruar mbrëmjen e sotme në rrugën e vjetër **Vlorë – Fier**, pranë fshatit **Çerkovinë**.

Sipas raportimeve të para, ka persona të **plagosur**, ndërsa në vendngjarje kanë mbërritur **forcat e zjarrfikësve** dhe autoambulanca për të dhënë ndihmën e parë.

Ne fotot e publikuara , shihet një automjet i kthyer përmbys në anë të rrugës, duke treguar forcën e përplasjes. Për shkak të dëmtimeve të rënda në automjet, është dashur ndërhyrja e zjarrfikësve për të nxjerrë të plagosurin.

Autoritetet po hetojnë shkaqet e aksidentit, ndërsa pritet informacion zyrtar mbi gjendjen shëndetësore të të lënduarve.