Një aksident me pasojë vdekjen ka ndodhur mbrëmjen e djeshme në aksin rrugor “Qafë Mali–Fierzë”, ku një automjet ka dalë nga rruga dhe ka rënë në një humnerë.

Sipas njoftimit zyrtar të policisë, 51-vjeçari Prendush Kola (identifikuar me inicialet P.U.) dyshohet se ka humbur kontrollin e mjetit që po drejtonte, duke përfunduar jashtë rrugës.

Pavarësisht ndërhyrjes së menjëhershme të policisë, zjarrfikësve dhe ambulancës, drejtuesi i automjetit ka ndërruar jetë në vendngjarje si pasojë e plagëve të marra.

Autoritetet kanë nisur hetimet nën drejtimin e Prokurorisë, për të përcaktuar me saktësi rrethanat dhe shkaqet e aksidentit.