Një aksident tragjik ka ndodhur në orët e para të së premtes në Ankara të Turqisë, ku një autobus i mbushur me pasagjerë është përplasur me këmbën e një mbikalimi.

Sipas raporteve të mediave turke, deri tani janë konfirmuar 9 viktima nga aksidenti, ndërsa 26 persona të tjerë janë dërguar në spital. Shumë prej të lënduarve janë në gjendje të rëndë shëndetësore dhe janë duke marrë trajtim urgjent.

Guvernatori i Ankarasë, Vasip Şahin, ka bërë një deklaratë lidhur me ngjarjen, duke sugjeruar se shoferi i autobusit mund të ketë rënë në gjumë, pasi nuk janë gjetur shenja frenimi në rrugë. Megjithatë, hetimet janë duke vazhduar për të zbardhur plotësisht rrethanat e këtij aksidenti tragjik.