Policia e Elbasanit njoftoi arrestimin në flagrancë të shtetasit O. B., 31 vjeç, pas një aksidenti fatal në aksin rrugor Qafë Thanë–Librazhd. Ngjarja ndodhi sot rreth orës 13:30, kur automjeti i drejtuar nga 31-vjeçari përplasi këmbësoren F. H., 64 vjeçe, e cila humbi jetën në vend.

Specialistët e Qarkullimit Rrugor po vijojnë hetimet, ndërsa materialet procedurale do t’i referohen Prokurorisë për veprime të mëtejshme ligjore. Autoritetet apelojnë për kujdes maksimal në rrugë për të parandaluar tragjedi të ngjashme.