Një ngjarje tragjike ka ndodhur në fshatin Duçaj të Koplikut, ku një person ka ndërruar jetë dhe një tjetër ndodhet në gjendje kritike për jetën. Incidenti ka ndodhur në një zonë malore, ndërsa të rinjtë ishin duke prerë dru zjarri.

Sipas raportimeve fillestare, dy të rinjtë u aksidentuan teksa prisnin dru, por ende nuk janë bërë të qarta rrethanat e plota të incidentit. Njëri prej tyre ka ndërruar jetë në vend, ndërsa personi tjetër po lufton për jetën.

Forcat e policisë kanë mbërritur në vendngjarje dhe po punojnë për të zbardhur shkaqet dhe detajet e plota të ngjarjes së rëndë.