Ish-konkurrentja e “Big Brother”, Ina, ka hedhur akuza të forta ndaj banorëve që vazhdojnë garën, duke i akuzuar për marrjen pa leje të veshjeve të saj personale. Përmes disa postimeve në Instagram, Ina ka publikuar foto dhe video ku duket banorja Brikena duke mbajtur rrobat e saj, duke treguar se kjo kishte ndodhur pasi ajo kishte lënë shtëpinë dhe valixhet po përgatiteshin për largim.

“Marrja e gjërave nga dollapi i dikujt pa praninë e tij është vjedhje dhe një vesi i shëmtuar,” shkruan Ina, duke shtuar se sjellja është edhe anti-higjienike, pasi rrobat ishin përdorur më parë nga ajo.

Sipas saj, produksioni ka ndërhyrë dhe ka thirrur banorët në dhomën e rrëfimit për të dorëzuar sendet e marra. Në një ton ironik dhe me revoltë, Ina ka deklaruar se nëse vajzat brenda nuk kanë mundësi financiare, ajo është e gatshme të bëjë donacion me rroba për të mos i detyruar ato të “fusnin duart” në dollapet e të tjerëve.

“Për t’ju bërë juve të përtypni mbrapsht çdo fjalë që keni thënë… unë kurrë nuk gënjej pa pasur prova,” përfundon Ina në një nga postimet e saj.

Ngjarja nënvizon se tensionet mes ish-banoreve dhe atyre që janë ende në garë nuk kanë mbaruar me eliminimin, por sapo kanë marrë një përmasa të re jashtë shtëpisë.