Një aksident i rëndë ka ndodhur mëngjesin e së shtunës në fshatin Vogovë të Gjakovës, ku një person ka humbur jetën dhe tre të tjerë kanë mbetur të lënduar. Policia ka njoftuar se aksidenti ka ndodhur rreth orës 02:05 të mëngjesit.

Sipas zëdhënësit të Policisë Rajonale në Gjakovë, Sheremet Elezaj, një person, mashkull dhe shtetas i Shqipërisë, ka humbur jetën në vendin e ngjarjes, ndërsa tre persona të tjerë kanë pësuar lëndime trupore dhe janë dërguar menjëherë për trajtim mjekësor. Hetimet për aksidentin janë në vazhdim.