Një grua me origjinë shqiptare ka humbur jetën në Greqi pas një aksidenti të rëndë ku u përpals nga një makinë. Sipas raportimeve të Protothema, bëhet fjalë për një 75-vjeçare që u tërhoq zvarrë nga automobili kur po përpiqej të kalonte Autostradën e Kombit.
E moshuara kishte udhëtuar nga Kosova për të vizituar një të afërm në Alissos, Greqi. Aksidenti ka ndodhur në orën 05:40 të mëngjesit, dhe shkaqet e ngjarjes tragjike janë ende duke u hetuar nga autoritetet lokale.
