Një 50-vjeçare shqiptare, Amela Drini, ka humbur jetën pas një jave shtrimi në spital, pas një aksidenti tragjik në rrugën Circonvallazione Est në Itali. Ajo ishte përplasur nga një makinë ndërsa po ecte përgjatë rrugës, duke u hodhur disa metra tutje nga fuqia e goditjes.

Drini ka ndërruar jetë si pasojë e plagëve të rënda, duke përfshirë një goditje fatale në kokë. Shkaku i aksidentit, sipas mediave italiane, dyshohet të ketë qenë dukshmëria e ulët në zonë, përkeqësuar nga shiu i rrëmbyeshëm që bie atë natë, i cili nuk e lejoi shoferin të shmangte përplasjen me 50-vjeçaren. Ajo jetonte shumë pranë vendit të aksidentit, në Via Sofia Da Camino.