Një përplasje e rëndë mes dy automjeteve ka ndodhur rreth orës 22:00 në qytetin e Laçit, duke shkaktuar një viktimë dhe dy të plagosur.

Sipas raportimeve të policisë, përplasja ka përfshirë automjetet me drejtues Aron Zymaj dhe Gentjan Xhaferri. Pas aksidentit, Elinor Tusha, 25 vjeç, pasagjer në makinën e drejtuar nga Xhaferri, ka ndërruar jetë.

Drejtuesi i mjetit, Gentjan Xhaferri, 23 vjeç, dhe pasagjeri tjetër, Leandro Fufi, po ashtu 23 vjeç, janë transportuar në Spitalin e Traumës, ku ndodhen jashtë rrezikut për jetën.

Aron Zymaj është shoqëruar në komisariat për veprime të mëtejshme procedurale, ndërsa grupi hetimor vijon punën për të zbardhur shkaqet dhe rrethanat e aksidentit.