Një manovër e gabuar e shoferes së ‘Toyota Yearis’ që i preu rrugën motorit i ka kushtuar jetën Fatmir Avdillrit, i njohur ndryshe edhe si ‘Xubi’.

Aksidenti ndodhi mesditën e të martës në Yzberisht.

Mësohet se policia e ka arrestuar 39-vjeçaren Ankela Mulleti, e cila ishte drejtuesja e mjetit që shkaktoi aksidentin dhe ndodhet në gjendje të rëndë shëndetësore në spital, pasi edhe vetë mbeti e plagosur nga përplasja.

39-vjeçarja Mulleti duke drejtuar mjetin e saj ‘Toyota Yearis’ në bulevardin ‘Migjeni’ në Yzberish nga korsia e mesit bëri manovër të gabuar dhe u kthye majtas, duke i prerë kështu rrugën motorrit Suzuki me të cilin udhëtonte Avdillri.

Më pas motorri u përplas me një mjet tip ‘Benz’ të parkuar, ndërsa trupi i Avdillarit u përplas mbi xhamin e parë të një makine ‘Opel’. Dëmtime ka pësuar edhe shkaktarja e këtij aksidenti, e cila ndodhet në spital në gjendje të rëndë.