Në aksin rrugor Elbasan-Peqin ka ndodhur një aksident trefishtë, ku janë përfshirë dy automjete dhe një kamion. Sipas informacionit të policisë, përplasja ka ndodhur midis një automjeti tip “Audi”, i drejtuar nga shtetasi L. H., një kamioni me drejtues shtetasin A. K., dhe një automjeti tip “Benz”, i drejtuar nga shtetasi E. P.

Si rezultat i përplasjes, drejtuesi i automjetit tip “Benz”, shtetasi E. P., ka pësuar lëndime dhe është transportuar në spital për ndihmë mjekësore.

Policia ka ngritur një grup hetimor që po kryen veprimet në vendngjarje për të përcaktuar rrethanat dhe shkaqet e aksidentit.