Një 51-vjeçar është shpallur në kërkim nga policia e Vlorës pasi ka aksidentuar dy shtetas të mitur dhe më pas është larguar nga vendi i ngjarjes. Mësohet se dy të miturit, pasi kanë marrë ndihmën mjekësore janë larguar në banesë. Ndërkaq vijon puna për kapjen e 51-vjeçarit E.H.
Njoftimi i policise:
Nga specialistët e Qarkullimit Rrugor në Drejtorinë Vendore të Policisë Vlorë u referuan materialet në Prokurori dhe u bë shpallja në kërkim e shtetasit E. H., 51 vjeç, pasi duke drejtuar automjetin, ka aksidentuar dy shtetas të mitur, 15 dhe 17 vjeç, dhe më pas është larguar nga vendi i ngjarjes. Dy shtetasit e mitur, pasi kanë marrë ndihmën mjekësore, janë larguar në banesë.
