Në të gjithë vendin vijon operacioni për lirimin e hapësirave publike nga tavolinat, karriget dhe pengesat e tjera që kanë zaptuar trotuaret dhe hapësirat e përbashkëta të qytetarëve.

Kryeministri Edi Rama ndau sot në rrjetet sociale pamje nga Tirana, ku strukturat e bashkisë po ndërhyjnë në çdo lagje për të rikthyer hapësirat publike në shërbim të komunitetit.

“Këto janë pamje nga çdo lagje të Tiranës, vazhdojmë,” – shkroi Rama krahas fotove.

Ky aksion konsiderohet një hap i domosdoshëm për të rritur standardet e shërbimit dhe funksionalitetin e bizneseve, duke respektuar hapësirat për këmbësorët dhe turistët.

Autoritetet vendore dhe ato qendrore do ta kenë këtë operacion në fokus jo vetëm gjatë muajit korrik, por edhe në vijim, me synim mbrojtjen e komunitetit dhe përmirësimin e cilësisë së jetesës në të gjitha qytetet.

Fushata përfshin jo vetëm zonat turistike, por çdo cep të Shqipërisë.