Aktori legjendar Harrison Ford nuk do të marrë pjesë si prezantues në ceremoninë e ndarjes së çmimeve Oscar 2025, pasi është diagnostikuar me herpes zoster. Sipas mediave ndërkombëtare, ylli i filmave “Indiana Jones” dhe “Star Wars” ka vendosur të tërhiqet nga eventi për t’u fokusuar te shëndeti i tij.

Herpes zoster, i njohur ndryshe si “herpes i zonës”, është një infeksion viral që shkakton një skuqje të dhimbshme dhe zakonisht prek një anë të trupit. Kjo sëmundje është rezultat i riaktivizimit të virusit varicela-zoster, i cili shkakton lisë.

Pavarësisht gjendjes së tij shëndetësore, Ford së fundmi është shfaqur në disa evente të rëndësishme, përfshirë SAG Awards 2025 më 23 shkurt. Ceremonia e çmimeve Oscar do të mbahet më 3 mars në Teatrin Dolby në Los Angeles, me prezantimin e Conan O’Brien për herë të parë.

Ende nuk ka një deklaratë zyrtare nga përfaqësuesit e Ford lidhur me këtë vendim.