Pas ndeshjes Shqipëri-Itali, futbollisti Elseid Hysaj u bë objekt kritikash nga fansat për shkak se uli kokën dhe Italia arriti të shënojë gol. Megjithatë, aktori Julian Deda ka dalë në mbrojtje të Hysajt.

Në një postim në rrjetet sociale, aktori i njohur këshilloi futbollistin që të mos e humbasë besimin dhe të vazhdojë përpara, duke theksuar rëndësinë e kontributit që ai ka dhënë për Kombëtaren. “Ec përpara Elseid Hysaj, askush nuk do të ta hedhë poshtë kontributin që ke dhënë dhe po jep për Kombëtaren,” ka shkruar Deda, duke shoqëruar fjalët me një foto të Hysajt.

Postimi i Dedës është pritur pozitivisht nga fansat, duke treguar solidaritet dhe mbështetje për futbollistin pas një momenti të vështirë në karrierën e tij.