Aktori i humorit, Rezart Veleshnja, u arrestua nën dyshimin për mashtrim, por në seancën e sotme gjyqësore, Gjykata e Durrësit vendosi që arrestimi i tij ishte i paligjshëm. Si rezultat, ai u lirua dhe gjykata caktoi masën e detyrimit për t’u paraqitur.

Pas lirimit, Veleshnja reagoi përmes një videoje në rrjetet sociale, ku shpjegoi versionin e tij të ngjarjes. Ai tha:

“Ju përshëndesim nga Pogradeci! Ideja është që është një automjet që e kam përdorur unë. Ai automjet kishte humbur, ndërkohë që unë thjesht e kam përdorur. Dhe sot e kësaj dite është gjetur se kush e ka pasur. Kaq! Nuk ka asnjë gjë këtu, jo u arrestua jo… turp! Ishte një automjet që kishte humbur, kaq! E kam përdorur dikur, por unë s’kam lidhje më me atë makinë pasi e kam hequr.”